وهذي قصيدة الشامية
شامية اتصلت غلطانه
قالت لي مرحب غسان
قلت الها يا اهلا وسهلا
محسوبك عبدالرحمن
قالت لي عفوآ ازعجتك
قلت الا ياحلوة عادي
ليليه اتصلي بها النمره
بحب اسمع هالصوت الهادئ
ضحكت من قلبها وقالت لي
اسلوبك حلو كثير اكثير
قلت الموت ليا شفتيني
والله لعقلك ليطير
ضحكت والسماعة طارت
من ايدا وطاحت عالارض
قلت بقلبي هذا اولها
طول بطول وعرض بعرض
قمت اصلخ عاللي يبا السهله
رحت وسويت وفعلت
والناس تقوم اتنافض
مني لامني زعلت
وعندي بيوت وعمارات
وعندي محميه بالجلت
واتحكم باسعار العملة
وماادري اش ماقلت وما قلت
وياكبر حظك الليله
كلمتي لك واحد زيي
احلى سنيورة لك صرتي
ياحيي ويابعد حيي
قالت شو حيي وما حيي
من شان الله فسر هيي؟
قلت الا لهجت بطليموس
اوعي تفكري لهجت طي
قالت لي طي العربية
قلت ايه وعبس وذبيان
لكنا بالوقت التالي
غيرنا اشوي العنوان
الذله نسميها سياسة
ولسان مشتمنا لسان
من الغارب قلب ووقعنا
على سلام الشجعان
وهذا انا واحد ايطالي
ولو جمعتينا طليان
كنا شدة قبل الضمه
وعقب الضمه صرنا فتحه
وعقب الفتحه صرنا جزم
وعقب الجزم صرنا تويتي
يعني لا حتي ولا فتي
ولو بدها بالصيف تشتي
قالت طيب والبترول؟؟؟
قلت اقول انثبري اص
قالت لي شكلك خواف
قلت الا خواف ونص""
رد الشاعر على قصيدته الشامية ..
تخبرون الشامية ذيك
البارح ليك وما ليك
دقت عمدآ مو غلطانة
قلت اش عندك قالت هيك
جيت ببالي ودقيت الك
وزهور العاصف نشتلك
بتصدق وحياة اعيونك
عن جد بالله اشتقتلك
قلت ان كانك مشتاقتلي
حرام ان لنكث لك فتلي
لاني ضاري راعي الجلت
ولا ني خرايب شربتلي
يعني كل التصاريح
بهيك المكالمه ميح
لا باولها ولا بتلاها
غير اسمي مامن صحيح
خل نفتح صفحه جديدة
والماضي على ويش انعيده
عشاق وفيروز اتغني
وعقب الغنية قصيدة
قالت لي فكرة مزبوطه
قلت ادري لكن مشروطه
لا بترول ولا قوميه
ولا خربوط ولا خربوطه
احكيلك مره بالباطن
واحكي لي مره بالغوطه
يعني اشهوله بالمشرمح
فطفوط يغازل فطفوطه
لكن ماقلتي لي شسمك
وي اهدوم تراهن جسمك
يمكن لا من رحت مسير
اكبر قسم هديه قسمك
قالت اسمي خمس حروف
وفتفتهن يطلع عشرين
كلك عقل وعين تشوف
حزر هالدقت لك مين؟
قلت بعقلي وازيتيني
غربلك الله غربلتيني
انتي من دورته مده
وسنينه ضاعت بسنيني
وش جابك لي ياحبوبه
مو بطلنا وقلنا التوبه
اسمانا كلها عبريه
بس اسمك للحين عروبه
موضوع: الشاعر عبدالرحمن الشمري ( الشامية و الرد عليها ) 
الثلاثاء أغسطس 07, 2007 4:48 pm
